Humb jetën nga COVID-19 edhe një person nga Podujeva, arrin në 116 numri i viktimave

Edhe një person ka humbur sot jetën si pasojë e infektimit me coronavirus. Viktima është nga komuna e Podujevës.

Lajmin për vdekjen e tij e ka dhënë ushtruesi i detyrës së kryetarit të Komunës së Podujevës, Nexhmi Rudari.

Rudari përmes një postimi në Facebook, u ka shprehur ngushëllime familjarëve të të ndjerit, dhe ka kërkuar nga qytetarët që t’iu përmbahen udhëzimeve të IKSHPK-së.

Ndryshe deri më tash 116 persona kanë humbur jetën që nga fillimi i pandemisë në Kosovë.

Postimi i plotë i Rudarit:U pikëllova shumë me lajmin që mora sot, për shkuarjen e hershme e të papritur në amshim të shokut tim të gjeneratës, fqiut tim të mirë, Ajfer Fetahu, i cili kishte kohë për të gjithë dhe ishte i dashur për të gjithë. Që nga ditët e para të angazhimeve te rezistences ndaj regjimit pushtues serb, Ajferi ishte i angazhuar pothuajse në secilin proces, ndaj dhimbja për ndarjen nga jeta është shumë e madhe. Miku im para disa ditësh kishte rezultuar pozitiv me virusin Covid-19, i cili pamëshirshëm po merr jetë njerzish në mbarë botën, por edhe në vendin tonë. Në këto momente të dhimbjes së madhe jam me familjen Fetahu dhe bashkëndjej me ta. Ngushëllimet e mia më të thella për humbjen e njeriut të mirë! I përjetshëm kujtimi për Ajferin Edhe në këto momente dhimbje u bëj thirrje qytetarëve t’u përmbahen udhëzimeve të IKShPK-së dhe ta japin kontributin në mbrojtjen e shëndetit të tyre dhe të familjeve! /Telegrafi/

Regjistrohu në Telegrafi

Humb jetën nga COVID-19 edhe një person nga Podujeva, arrin në 116 numri i viktimave

Top Lajme

Promo Reklamo këtu

Nga Rubrika

Në trend Botë

Më të lexuarat