Hulk për shumë vite ka qenë një nga emrat më të përfolur në futbollin botëror, posaçërisht për golat e bukur nga distanca.
Braziliani i njohur për karrierën te Porto dhe Zenit Saint Petersburgu, duket se ende nuk e ka humbur shkëlqimin te Shanghai SIPG.
Këtë 32-vjeçari e tregoi edhe në ndeshjen e fundit me skuadrën kineze, ku shënoi një gol fantastik nga distanca.
Aq e fortë ishte goditja, sa kamerat në stadium mezi arritën të ndjekin topin teksa shkonte në drejtim të portës kundërshtare.
Hulk është pjesë e skuadrës nga Super Liga e Kinës tash e tre sezone, në 87 ndeshje ka shënuar 52 gola në të gjitha garat. /Telegrafi/
