“Huligani” më i ri: Djaloshit gjashtëvjeçar i ndalohet hyrja në një stadium në Francë

Skuadra e Ligue 1, Le Havre ka vendosur një ndalim prej një muaji ndaj një tifozi gjashtëvjeçar për të hyrë në stadium. Arsyeja? Tifozi i ri hodhi gota bosh prej kartoni dhe topa letre gjatë ndeshjes kundër Reims.

Ky incident ka ndodhur më 10 nëntor dhe tani fëmija së bashku me kujdestarët e tyre do të ndalohen të ndjekin ndeshjet në Stade Océane deri në vitin 2025.

Duket se fëmija po i hidhte këto objekte të padëmshme drejt shokut të tij, i cili përfundoi duke rënë në fushë, gjë që nuk ishte një shpjegim i mjaftueshëm për Le Havre që nuk mbante një qëndrim të rreptë ndaj sjelljes së tij.

A 6-year-old Le Havre supporter receives a stadium ban until early next year. (L’Éq)⬇️https://t.co/y52dQi0um6

— Get French Football News (@GFFN) December 2, 2024

“Është pak dëshpëruese, por ne jemi të detyruar të veprojmë për shkak të këtyre gjërave”.

“Ne duhet të ndërgjegjësojmë tifozët dhe të tregojmë se stadiumi duhet të mbetet një vend festimi, jo çlirimi i zhgënjimit”, shpjegoi një burim i brendshëm i klubit për L’Parisien.

Pas xhiros së 13-të të luajtur në Ligue 1, Le Havre është në vendin e 16-të me 12 pikë të fituara dhe momentalisht gjendet nw zonën e barazhit. /Telegrafi/