Hoti: Letra e sekretarit Pompeo ishte e qartë, dialogu me Serbinë ka në qendër njohjen e ndërsjellë

Zëvendëskryeministri i Kosovës, Avdullah Hoti ka thënë se letra e Sekretarit amerikan të Shtetit, Mike Pompeo ishte e qartë dhe se dialogu me Serbinë e ka në qendër njohjen e ndërsjellë.

Hoti përmes një postimi në Twitter, shkroi se normalizimi i marrëdhënieve është thelbësor për prosperitetin në rajon dhe integrimin në BE.

“Duke mirëpritur rolin kryesor të SHBA-ve në dialogun Kosovë-Serbi. Letra e sekretarit Pompeo është e qartë- dialogu ka në qendër njohjen e ndërsjellë, i cili është edhe qëllimi ynë përfundimtar. Normalizimi i marrëdhënieve është thelbësor për prosperitetin në rajonin tonë dhe sigurimin e integrimit në BE të rajonit në tërësi”, ka shkruar Hoti.

Lexo po ashtu Pompeo i shkruan Kurtit, heqja e taksës dhe njohja e ndërsjellë me Serbinë konsiderohen prioritete

Sekretari amerikan i Shtetit, Mike Pompeo përmes një letre dërguar kryeministrit Albin Kurti, ka thënë se shpreson që prioritete të liderit të ri të jenë heqja e tarifës 100 për qind në importet e Serbisë dhe Bosnje-Hercegovinës dhe njohja e ndërsjellë me Serbinë.

Sa i përket njohjes së ndërsjellë mes Kosovës dhe Serbisë, Pompeo ka thënë “Tani është koha që të realizoni marrëdhënie normale me Serbinë, që kanë qendër njohjen e ndërsjellë, dhe e cila është thelbësore për integrimin e plotë ndërkombëtar të Kosovës. Shtetet e Bashkuara do të qëndrojnë afër jush për t’iu mbështetur në këtë proces”. /Telegrafi/

Welcoming key US role on Kosova-Serbia dialogue.
Secretary Pompeo's letter is clear – dialogue is centered on mutual recognition, which is our final aim.
Normalisation of relations is vital to prosperity in our region and ensuring EU integration of the region as a whole.

— Avdullah Hoti (@Avdullah) February 14, 2020