Hoqën dorë nga puna në Washington për të udhëtuar nëpër botë me moton, “njerëzit nuk janë të këqij” – çifti vritet nga ISIS-i në Taxhikistan (Foto/Video)

Jay Austin dhe Loren Gogegan kishin vendosur të heqin dorë nga vendet e tyre të punës në Washington, për të udhëtuar nëpër botë.

“Jam lodhur duke i kaluar ditët më të mira të jetës duke qëndruar para ekranit televiziv”, ka shkruar Jay në blogun e tij para se të jepte dorëheqje, transmeton Telegrafi.

Çifti rreth të ’30-ve udhëtimin e tyre nëpër botë e kishin dokumentuar duke publikuar foto në Instagram dhe në blogun e përbashkët. Gjatë udhëtimit, ata vizituan dhjetëra shtete për ta dokumentuar se njerëzit nuk janë të këqij.

https://www.instagram.com/p/Bj9ekEWhV8Q/

“Fjalëve dhe rrëfimeve nuk duhet besuar plotësisht, e në veçanti atyre rrëfimeve që pretendojnë se njerëzit janë të këqij. E keqja është një koncept i shpikur për të bërë dallime të panevojshme”, ka deklaruar muaj më parë Jay.

Megjithatë, këtë teori nuk arritën ta dëshmojnë pasi u vranë gjatë udhëtimit të shumëpritur. Aventura më e madhe e tyre përfundoi tragjikisht dy javë më parë, dhe atë në mënyrën më të tmerrshme të mundshme derisa po udhëtonin nëpër Taxhikistan.

https://www.instagram.com/p/BiZRy-aBNjC/

Gjatë 29 korrikut po vozisnin biçikletat në Taxhikistan kur një veturë me pesë burra i shtypi me vetëdije së bashku me dy çiklistë tjerë, njëri nga Zvicra e tjetri nga Holanda.

https://www.instagram.com/p/Bd-etGXHHlc/

Dy ditë më vonë, organizata terroriste “Shteti Islamik” ka marrë përgjegjësinë për sulmin ndaj çiklistëve, kurse të gjitha janë konfirmuar në një video rrëqethëse kur shihet momenti i ekzekutimit të tyre. /Telegrafi/