Holandezit që ka rreth 600 fëmijë në mbarë botën, nuk i lejohet më të dhurojë spermën e tij

Një gjykatë holandeze ka urdhëruar një burrë që gjyqtarët thanë se ka midis 500 dhe 600 fëmijë në mbarë botën, të ndalojë dhurimin e spermës.

Jonathan Jacob Meijer, holandezit 41-vjeç, i ndalohet të dhurojë spermë në klinika, thuhet në vendimin e gjykatës. Ai mund të gjobitet me 100 mijë euro për çdo shkelje, transmeton Telegrafi.

Gjykata gjithashtu urdhëroi burrin t’u shkruante klinikave jashtë vendit dhe t’u kërkonte atyre që të shkatërronin të gjithë spermën e tij të ruajtur, përveç dozave të rezervuara për prindërit që kishin tashmë fëmijët e tij.

Vendimi pasoi një padi civile të ngritur nga një fondacion, që përfaqëson interesat e fëmijëve të lindur me spermë donatore dhe të prindërve holandezë që përdorën burrin si dhurues.

Ata argumentuan se donacionet e vazhdueshme të bashkëshortit shkelnin të drejtën e privatësisë së fëmijëve të tyre, aftësia e të cilëve për të krijuar marrëdhënie romantike pengohet nga frika e incestit aksidental dhe farefisit.

Donacionet e tij masive dolën në dritë për herë të parë në vitin 2017, dhe atij iu ndalua të dhuronte spermë në klinikat holandeze të fertilitetit, ku ai kishte tashmë më shumë se 100 fëmijë.

Megjithatë, ai vazhdoi të dhuronte jashtë vendit, duke përfshirë ‘bankën’ daneze të spermës Cryos. Burri ofroi gjithashtu spermën e tij në disa vende ku prindërit mund të kërkojnë për fëmijë me spermë donatore. /Telegrafi/