Henderson reagon pas acarimit të Manes me Salahun: Nuk ka asgjë

Jordan Henderson këmbënguli se nuk kishte asnjë përplasje midis Sadio Mane dhe Mohamed Salah pas fitores së Liverpoolit ndaj Burnleyt.

Reds u kthyen në kreun e tabelës së Ligës Premier me një fitore bindëse 3-0 në ‘Turf Moor’ të shtunën.

Të gjithë duken me shkëlqim në Anfield, megjithëse ishte befasuese të shikosh një reagim të zemëruar nga Mane kur ai u zëvendësua nga Divock Origi.

Ylli senegalez ishte zemëruar nga refuzimi i Salah për të kaluar topin te ai kur ishte i irë dhe mund të shënonte lehtë, por egjiptiani vendosi të shkonte vetë.

Vetë Mane vendosi të mos fliste me mediat, duke dalë nga dhoma e zhveshjes në Turf Moor me kufje. Por më vonë Henderson, kapiteni i skuadrës, vendosi të thoshte disa fjalë për këtë çështje.

https://www.youtube.com/watch?v=jwd8urYaeoc

“Sadio është mirë, ai është një djalë i shkëlqyeshëm,” u ka thënë Henderson gazetarëve. “Vetëm ne jemi duke e shtyrë njëri-tjetrin gjatë gjithë kohës. Unë mendoj se është e rëndësishme”.

“Ne të gjithë duam të bëjmë më mirë, të gjithë duam të përmirësohemi, por vërtet ne jemi shumë të afërt dhe mendoj se mund t’ia dalim me atë”.

“Unë nuk jam i sigurt [çfarë e shkaktoi atë] të jetë i sinqertë. Nuk mund ta kuptoja dot në fillim, por më pas, kur hyri, ai qeshte dhe bënte shaka “.

Lexo po ashtu Salah tregohet egoist, Mane shpërthen ndaj tij dhe trajnerit Klopp

I pyetur nëse kishte ndonjë çështje të mëtejshme në dhomën e zhveshjes, Henderson tha: “Joo, gjëja më e rëndësishme ishte që morëm rezultatin, Sadio e di atë”.

Henderson ka thënë më tej se atmosfera është tejet e mirë në skuadër dhe se nuk ka gjëra acaruese mes lojtarëve. /Telegrafi/