Hazard te Reali brenda pak ditësh

Real Madridi do të komunikojë zyrtarisht transferimin e anësorit Eden Hazard brenda pak ditësh.

Reprezentuesi belg është lidhur që një kohë të gjatë me kalim te Real Madridi e tash pritjes duket se i ka ardhur fundi.

Ishte 28 vjeçari ai që u tha mediave se ai tashmë kishte marrë një vendim për të ardhmen e tij.

Eden Hazard (Getty Images)

Më herët gjatë javës Diario AS raportoi se Chelsea po bëhet gati që të ulë çmimin që do të thotë se marrëveshja është në realizim e sipër.

Anësori kurrë nuk e ka fshehur pëlqimin e tij për Zinedine Zidanen dhe rikthimi i francezit në stolin mbretëror ka qenë kyç që ai të marrë vendimin. /Telegrafi/