Hasani reagon pas inicimit të padisë nga MTI, thotë se Nisma po i hakmerret pas largimit të tij nga kjo parti

Ish-ministri i MTI-së, Bajram Hasani ka reaguar lidhur me padinë që ka iniciuar kjo ministri ndaj tij, për shkak të borxhit që kishte marrë Hasani sa ishte në krye të këtij dikasteri.

Hasani përmes një postimi në Fcebook, ka thënë se ish-subjekti të cilit i takonte deri para një jave, Nisma Socialdemokrate ka nisur fushatë të egër ndaj tij si shenjë hakmarrje për largimin e tij nga kjo parti.

Lexo po ashtu MTI padit ish-ministrin Bajram Hasani për shkak të borxhit ndaj kësaj ministrie (Dokument)

” Duke i shfrytëzuar institucionet shtetërore ata po provojnë të më akuzojnë se kinse si kam arsyetuar 2 mijë e 300 euro. E para të gjitha faturat për këto mjete janë fshehur qëllimshëm.

Për këtë i kam dëshmitë të gjitha faturat dhe pagesat janë bërë përmes kartelës bankare”, ka shkruar Hasani.

Hasani ka shtuar se do t’i padisë për shpifje.

Postimi i plotë:

NISMA Socialdemokrate ka nisur një fushatë tejet të egër dhe të ulët ndaj meje si shenjë hakmarrjeje për largimin tim nga kjo parti.
Duke i shfrytëzuar institucionet shtetërore ata po provojnë të më akuzojnë se kinse si kam arsyetuar 2 mijë e 300 euro. E para të gjitha faturat për këto mjete janë fshehur qëllimshëm.
Për këtë i kam dëshmitë të gjitha faturat dhe pagesat janë bërë përmes kartelës bankare.
Këtu nuk ka të bëjë me paradhënie siç pretendohet por pagesa të rregullta të kryera përmes kartelës bankara.
Është shpifje e ulët se unë i paskam marrë këto para.
Fshehja e dëshmive po ashtu është e dënueshme. Unë do t’i padisë për shpifje.
Me përgjegjësi të plotë morale ju them se kjo është vetëm një fushatë hakmarrëse ndaj meje!

Këtu i keni të gjitha dëshmitë, kartela dha faturat: /Telegrafi/