Harden shkëlqen me 40 pikë në fitoren e Houstonit, tjetër humbje për Celtics

Pas dy humbjeve të njëpasnjëshme Houston Rockets është rikthyer te fitorja.

Skuadra nga Teksasi ka triumfuar para adhuruesve të vet ndaj Indiana Pacers me 12 pikë epërsi 115:103.

James Harden ishte fantastik në këtë takim për Rockets.

Ylli amerikan arriti ta mbyllë takimin me 40 pikë të shënuara ku realizoi tetë tre pikësha, ndërsa bëri shtatë kërcime e nëntë asistime.

https://twitter.com/HoustonRockets/status/1061806804567515136

Me lojë të mirë tek Rockets u dallua edhe fundori Chris Paul me 26 pikë e pesë asistime.

Paraqitje të mirë pati edhe qendra Clint Capela me 18 pikë e shtatë kërcime.

Victor Oladipo me 22 pikë dhe Bogdanovic me 20 të tjera ishin më efikasit tek Pacers, por që nuk mjaftuan për befasi.

Interesant ka qenë edhe në ndeshjen mes Portland Trail Blazers dhe Boston Celtics, ku në fund triumfuan vendasit e Blazers me gjashtë pikë diferencë 100:96.

Damien Lillard me 19 pikë e 12 asistime ishte më i miri tek vendasit.

Ndërkohë paraqitje jashtëzakonisht të mirë pati edhe qendra boshnjake Jusuf Nurkic me 18 pikë e 17 kërcime.

Jayson Tatum me 27 pikë dhe Kyrie Irving me 21 të tjera ishin më efikasit tek mysafirët por që nuk mjaftuan për ta shmangur humbjen e dytë radhazi. /Telegrafi/

Rezultatet:

Houston – Indiana 115:103

Charlotte – Detroit 113:103

Orlando – New York 115:89

https://www.youtube.com/watch?v=JMaBWKwXQrI

Milwaukee – Denver Nuggets 121:114

https://www.youtube.com/watch?v=Mem1_WQ94mo

Boston Celtics – Portland Trail Blazzers 94:100