Haradinaj-Stublla komenton vdekjen e kundërshtarit të Kremlinit: Rusia dhe Serbia, njësoj si nën regjimin e Millosheviqit

Ish-ministrja e Punëve të Jashtme, Meliza Haradinaj-Stublla ka komentuar rastin e vdekjes së Alexei Navalny, kundërshtarit të Kremilinit, për të cilin gruaja e të ndjerit ka pretenduar se ai ishte helmuar nga agjenti nervor Novichok.

Haradinaj-Stublla në një postim në “X” ka shkruar se për shqiptarët ajo që i ndodhi Navalnys, është një ngjashmëri e dhimbshme e asaj që ndodhi me ta në vitet 80-90 kur Serbia helmoi dhe vrau të gjithë ata që nuk mendonin e vepronin njësoj si regjimi i Millosheviqit.

Ish-ministrja ka shtuar ngjashëm po ndodh sot me Rusinë dhe Serbinë.

Lexo po ashtu Çfarë dihet deri më tani për vdekjen e Alexei Navalnyt – kritiku i Putinit që po mbahej në njërin prej burgjeve më të këqija të Rusisë

“Siç ndodh edhe në Rusi sot, nën urdhrat e drejtpërdrejta të presidentit të Serbisë, Aleksandar Vuçiq i cili është trashëgimtari ideologjik/politik i Miloseviqit në praktikë, regjimi arreston dhe torturon figura opozitare siç bëri me Nikola Sanduloviqin një muaj më parë”, ka shkruar Haradinaj-Stublla.

Lajmi për vdekjen e kritikut të Kremlinit, Alexei Navalny ka tronditur botën derisa të shumta kanë qenë reagimet nga vendet perëndimore duke fajësuar presidentin rus Vladimir Putin për këtë.

Shërbimi i burgjeve ruse raportoi se kritiku dhe kundërshtari i Vladimit Putinit, Alexei Navalny ka vdekur në një burg të sigurisë së lartë.

“Më 16 shkurt 2024, në koloninë korrektuese nr 3, i dënuari A. A. Navalny nuk u ndje mirë pas një shëtitjeje, ku ka humbur vetëdijen”, thuhej në një deklaratë. /Telegrafi/

Torturing, poisoning, and killing opposition figures is a long-known method of rouge states.

For Kosovo-Albanians, what happened to @navalny last week by #Putin, is a painful resemblance of what happened to them in the 80s/90s – when #Serbia poisoned and killed everyone that…

— Meliza Haradinaj (@MelizaHaradinaj) February 20, 2024