Haradinaj: Djegia e shtëpisë në Istog, akt i shëmtuar, organet e rendit ta zbardhin rastin

Kryetari i AAK-së, Ramush Haradinaj, ka reaguar për djegien e shtepisë së një serbi në komunën e Istogut.

Haradinaj ka thënë se Kosova si një vend demokratik dhe me aspirata euro-atlantike, i garanton të drejtat themelore për një jetë të sigurtë dhe pronë të pacënueshme të gjithë qytetarëve të saj.

“Ne, me krenari duhet të jemi konform kushtetutës sonë, duke marrë obligim për të mbrojtur dhe respektuar të gjithë në mënyrë të barabartë, për të bërë të mundur që secili të ndjehet si në shtëpinë e vet, duke përfshirë këtu të gjitha komunitetet”, tha ai.

Lexo po ashtu Shtëpia e djegur në Istog, banorët thonë se rasti s’ka të bëjë me probleme ndër-etnike

Tutje theksoi se djegja e ky veprim, është vepër e papranueshme si dhe kundër përkushtimit tonë për paqe dhe stabilitet.

“Ftoj organet e rendit dhe të ligjit që sa më parë të sjellin para drejtësisë kryesit e këtij sulmi të shëmtuar”, ka shkruar Haradinaj në Facebook.

Ndërkaq, më herët reaguan edhe ambasadori amerikan Jeff Hovenier si dhe misioni i OSBE-së në Kosovë.