Haaland refuzon ofertën e madhe të Man Cityt, shpreson në transferimin te Real Madridi

Sulmuesi i Borussia Dortmundit, Erling Haaland thuhet se ka refuzuar një ofertë masive nga klubi anglez, Manchester City, pasi shpreson të transferohet te gjiganti spanjoll, Real Madridi.

Sipas gazetës AS, City bëri një “ofertë të madhe” për agjentin e Haaland, Mino Raiola dhe babanë e tij Alfe-Inge, por ajo u rrëzua nga shoqëruesit e tij.

Klubi nga Etihad thuhet se ka ofruar gjithashtu plot 500 mijë funte apo 600 mijë eurp në javë për sulmuesin Haaland, i cili nuk është bindur.

Lexo po ashtu Nëse kalon te Manchester City, Haaland do të bëhet lojtari më i paguar në histori të Ligës Premier

Megjithatë, thuhet se refuzimi i Haaland ndaj Cityt nuk është “përfundimtar” dhe ai ende mund të përfundojë duke iu bashkuar skuadrës së Pep Guardiolës.

Por, Real Madridi mbetet destinacioni i preferuar i Haaland për t’u transferuar në afatin kalimtar të verës.

Lexo po ashtu Mbappe dhe Haaland: Tri ospionet se si mund të duket formacioni i Real Madridit në sezonin 2022/23

Haaland thuhet se është “ende duke pritur” që skuadra e La Ligës të bëjë lëvizjen e tyre pasi ai dëshiron të nënshkruajë për klubin mbretëror në fund të sezonit aktual.

Sulmuesi norvegjez është lidhur gjithashtu edhe me Barcelonën, e cila raportohet se ka pasur disa herë takimet me përfaqësuesit e Haaland. /Telegrafi/