Guintoli takohet me agjentët e Galenos, gati oferta edhe për Porton

Juventusi është duke kërkuar një sulmues anësorë dhe tanimë ata e kanë të qartë objektivin kryesor të tyre.

Sulmuesi brazilian Galeno është objektivi numër një i Zonjës së Vjetër për krahun e majtë të sulmit, aty ku pritet të mbetet hapësirë pas largimit nga Federico Chiesa.

Klubi italian ka nisur kontaktet me përfaqësuesit e lojtarit, duke kërkuar të forcojë linjën e tij sulmuese për sezonin e ardhshëm.

Lexo po ashtu Juventusi ofron para dhe kartonin e një lojtari për transferimin e yllit të Portos

Megjithatë gjiganti portugez Porto ka vendosur një kërkesë fillestare prej rreth 40 milionë euro për sulmuesin e talentuar.

Drejtori sportiv i Juventusit, Cristiano Giuntoli, planifikon të takohet në orët e ardhshme me agjentët e Galenos për të arritur një marrëveshje.

Lexo po ashtu Juventusi tenton t'i marr Portos dy yjet e ekipit - Motta do ta kompletonte ekipin me këtë dyshe

Bianconerët janë në kërkim të një sulmuesi të ri që mund të zërë vendin e Federico Chiesa, i cili mund të largohet nga klubi.

Javët e fundit, Juventusi ka shfaqur interes edhe për lojtarë të tjerë, si Karim Adeyemi i Borussia Dortmund dhe Jadon Sancho i Manchester United, megjithatë të dy lojtarët kanë refuzuar transferimin në Torino. /Telegrafi/