Guardiola thotë se nuk do ta bëjë gabimin e madh si nga ndeshja e parë me Real Madridin

Pep Guardiola ka pranuar se ka bërë disa ndryshime taktike përpara ndeshjes së dytë të Manchester Cityt në Ligën e Kampionëve me Real Madridin.

Citizens do të presë Los Blancos në Etihad të mërkurën në mbrëmje për ndeshjen e dytë gjysmëfinale të Ligës së Kampionëve, pasi barazoi 1-1 në Spanjë.

Guardiola dhe skuadra e tij janë të dëshpëruar për të mposhtur gjigantët e La Ligas dhe për të tentuar trofeun e parë të Ligës së Kampionëve në histori të klubit.

Lexo po ashtu Formati i ri i Ligës së Kampionëve: Grafiku tregon qartë se si do të funksionojë

Duke folur në konferencën për shtyp, Guardiola tha: “Kam një ide për të bërë diçka ndryshe, vetëm për të qenë më fluid në sulm dhe për të mos gabuar si në ndeshjen e parë”.

“Nuk është asgjë e veçantë. Nuk po mendoj shumë për nesër, mos u shqetësoni djema. Asgjë ndryshe nga ajo që kemi bërë në të kaluarën”.

Lexo po ashtu Walker pranon se Man City 'do të studiojë' Interin dhe Milanin në gjysmëfinale të Ligës së Kampionëve

Kur u pyet se çfarë po kërkonte të ndryshonte, Guardiola tha: “Shpresojmë që të mund ta shihni nesër. Nuk mund t’ju them, përndryshe Carlo (Ancelotti) do të dëgjojë”.

Guardiola është kritikuar edhe më parë për mendimin e tepërt të taktikave kur bëhet fjalë për Ligën e Kampionëve.  /Telegrafi/