Guardiola shpenzoi 152 milionë euro këtë janar, por nuk ka ndërmend të ndalet – kërkon sensacionin evropian

Ndonëse ka shpenzuar tashmë 152 milionë euro për përforcime këtë janar, trajneri i Manchester Cityt, Pep Guardiola, dëshiron të sjellë edhe një lojtar para se të mbyllet afati kalimtar, raportuan të premten mediat britanike.

City, i cili para fillimit të këtij sezoni konsiderohej si një nga favoritët kryesorë për të fituar Ligën e Kampionëve, mund të mbetet pa vend në fazën eliminatore të kompeticionit elitar evropian për klube. City është në vendin e 25-të me tetë pikë, i ndjekur nga Dinamo e Zagrebit, e cila gjithashtu ka tetë pikë.

Në xhiron e fundit të Ligës së Kampionëve, më 29 janar, City pret belg Club Brugge, i cili është i 20-ti me 11 pikë. Tetë klubet më të mira hyjnë drejtpërdrejt në fazën e 16-të, ndërsa skuadrat nga vendi i 9-të deri në vendin e 24-të do të luajnë play-off për t’u vendosur në 1/8-të. Për sa i përket ligës angleze, Manchester City aktualisht është në vendin e pestë dy pikë prapa vendit të katërt – aty ku është Chelsea, që çon në Ligën e Kampionëve sezonin e ardhshëm.

Në listën e dëshirave të Guardiolës është mesfushori i Juventusit, Andrea Cambiaso, të cilin Zonja e Vjetër nuk dëshiron ta lërë të shkojë në mes të sezonit nëse nuk arrin një “ofertë që nuk mund të refuzohet”.

Kjo, sipas mediave britanike, mund të nënkuptojë se Juve do të dorëzohej nëse do t’i ofroheshin 100 milionë euro.

Lexo po ashtu Guardiola i ka kërkuar hierarkisë së Man Cityt transferimin e top yllit të Barcelonës

Cambiaso mund të luajë rolin defanziv në mesfushë ose mbrojtësin e majtë sulmues. Në mars të vitit të kaluar, ai debutoi me kombëtaren italiane në një ndeshje miqësore kundër Venezuelës dhe deri më tani ka bërë 13 paraqitje dhe ka shënuar dy gola. Ai mbërriti në Juventus në korrik 2022 nga Genoa për 13 milionë euro dhe majin e kaluar ai zgjati kontratën me Juventusin deri në qershor 2029.

Në janar, Manchester City transferoi sulmuesin egjiptian Omar Marmoush nga Eintracht Frankfurt për 75 milionë euro. Ai pagoi 40 milionë euro te Lens për mbrojtësin 20-vjeçar uzbek Abdou Khusanov dhe 19-vjeçari brazilian Vitor Reis, i ardhur nga Palmeiras, kushtoi 37 milionë euro. /Telegrafi/