Guardiola për fitore në Madrid

Trajneri i Bayern Munich, Pep Guardiola, ka folur në konferencën për shtyp para ndeshjes kundër Atleticos duke shpalosur qartë objektivin e bavarezëve për të fituar dhe u kualifikuar për në finalen e madhe.

“Janë një skuadër që kanë zgjedhur një stil loje që i shkon përshtat. Mua më pëlqen ajo çfarë ata bëjnë. Mbi të gjitha janë shumë konstant. Nuk mund të komentoj shumë gjatë në lidhje me Atleticon. Kam 5 vjet që jam shkëputur nga futbolli spanjoll, por ajo që di të them është qëndrueshmëria e jashtëzakonshme e tyre”.

“Nuk më pëlqen të flas për gjëra jashtë futbollit, më pëlqen të flas vetëm për futboll. Ne do të bëjmë gjithçka për ta fituar takimin, të tjerat nuk kanë rëndësi. Pastaj mos harroni se në ndeshje ka dhe gjyqtar. ne nuk na interesojnë gjërat jashtë fushe”.

“Unë e shoh situatën pozitivisht. në vitet e fundit kemi mbërritur gjithnjë në gjysmëfinale, por është normale që jo gjithnjë të fitosh. Nëse nuk e fitojmë Ligën e Kampionëve kjo do të thotë se ndoshta puna jonë nuk është e përfunduar plotësisht, por duhet të pranojmë verdiktin e fushës. Gjithsesi unë jam i kënaqur me kohën time në Gjermani. Unë jam trajneri më i mirë me ekipin më të mirë”.