Guardiola e ka gjetur tashmë  zëvendësuesin e De Bruyne, kjo do të shkaktoj tronditje në Evropë

Manchester City thuhet se tashmë ka identifikuar lojtarin që mund të zëvendësojë belgun Kevin De Bruyne në skuadrën e Pep Guardiolës.

De Bruyne konsiderohet gjerësisht një nga mesfushorët më të mirë që ka luajtur në Ligën Premier, por ka parë një rënie të madhe në formë gjatë sezonit 2024/25 – edhe pse ka arritur të regjistrojë katër gola dhe shtatë asistime në 31 paraqitje.

Të premten (4 gusht), De Bruyne konfirmoi lajmin që shumëkush prisnin se do të vinte kur ai u shfaq në mediat sociale duke shpjeguar se si muajt e ardhshëm do të jenë të fundit të tij në Etihad.

Lexo po ashtu Kevin De Bruyne konfirmon largimin nga Manchester City me anë të një letre prekëse

Por kush do ta zëvendësojë gjashtë herë fituesin e Ligë Premier sezonin e ardhshëm?

Sipas Daily Mail, City e ka identifikuar mesfushorin sulmues të Gjermanisë dhe Bayer Leverkusenit, Florian Wirtz, si njeriun që mund të përpiqet të mbushë boshllëkun në skuadrën e Guardiolës.

21-vjeçari i cili ka regjistruar nëntë gola dhe dhjetë asistime në Bundesligë këtë sezon, thuhet se vlerësohet në 85 milionë funte (100 milionë euro) dhe ka dy vjet të mbetura nga kontrata e tij me skuadrën e Xabi Alonsos.

Por, City mund të ketë konkurrencë nga Bayern Munich dhe Real Madrid nëse duan të nënshkruajnë me yllin e madh gjerman këtë verë.

Ardhja e mundshme e Wirtzit do të ndiqte trendin e fundit të nënshkrimeve të lojtarëve të Cityt 25 vjeç e poshtë për të ulur moshën mesatare të skuadrës së tyre – me lojtarë si Omar Marmoush, Abdukodir Khusanov dhe Nicolas Gonzalez – të gjithë të nënshkruar në afatin e dimrit – që i përshtatet këtij përshkrimi. /Telegrafi/