Guardiola buzëqesh kur flet për Xavin: Jam i sigurt se do të bëjë një punë të mirë te Barcelona

Trajneri i Manchester Cityt, Pep Guardiola, ka folur pozitivisht për Xavi Hernandez, të cilin e kishte lojtar te Barcelona, përpara se ky i fundit të marr postin e trajnerit te ky klub.

Sa ishte aktiv, Xavi ishte dirigjenti i Guadiolas në fushë, duke diktuar lojën në një nga skuadrat më të suksesshme dhe argëtuese në histori të futbollit.

Guardiola është pyetur në konferencë për shtyp për atë se Xavi do të bëhej trajner i Barcelonës, ku trajneri katalan është përgjigjur më një buzëqeshje të madhe.

“Unë thashë se nuk folur me të, por nëse në fund arrihet akordi, atëherë sigurisht urimet më të mira”.

“Jam shumë i sigurt se ai do të bëjë një punë të mirë”, deklaroi Pep.

Pa dyshim që Guardiola do të jetë një vëzhgues i mprehtë, jo vetëm si tifoz i Barcelonës, por edhe si ish-trajneri i Xavit.

https://twitter.com/fcbdasilva/status/1456750760901767168

Për shumë, Xavi është trashëgimtari i Guardiolas, i destinuar të ndjekë filozofinë e tij të futbollit dhe të japë një stil të ngjashëm. Koha do të tregojë se si do të ndodhë kjo. /Telegrafi/