Gruaja shtiret si e sëmurë për të marrë një vend më të madh, aeroplani aterron dhunshëm

Një grua që pretendoi të kishte probleme shëndetësore gjatë një fluturimi për të marrë një vend më të madh bëri që piloti të bënte një devijim urgjent.

Pasagjerja pa emër nga Florida ishte duke fluturuar nga Pensacola, Florida, për në Miami në fluturimin 3508 Eagle American, kur ajo pretendoi se kishte probleme me frymëmarrjen, tha Departamenti i Policisë Pensacola për NBC News.

Sidoqoftë, plani i saj dështoi, pasi piloti mori vendimin për të shpallur një urgjencë dhe kthimin e fluturimit në Pensacola.

I gjithë avioni duhej të evakuohej pasi gruaja nuk pranoi të zbriste, por përfundimisht autoritetet e bindën atë.

Ajo më vonë pranoi se kishte krijuar problemin mjekësor për të marrë një vend më të madh, sipas oficerit të informacionit publik të Departamentit të Policisë Pensacola, Mike Wood.

“Të premten më 29 nëntor, fluturimi 350 Eagle American Eagle u kthye në Pensacola për shkak të një pasagjeri, i cili kërkoi ndihmë mjekësore”, tha American Airlines në një deklaratë.

“Pasagjeri u largua më pas nga forcat e rendit dhe personeli mjekësor, dhe fluturimi u rinis në orën 7.41 të mëngjesit”.

Pasagjeri aktualisht po mbahet në paraburgim nën Ligjin e Baker Act të Florida, i cili lejon që personat me sëmundje mendore të mbahen deri në 72 orë nëse besohet se ata rrezikojnë të vuajnë nga pakujdesia ose dëmtojnë veten ose të tjerët. Asnjë akuzë nuk është ngritur ende.