Griezmann zgjedh Realin para Barçës dhe Unitedit, Perez ia garanton vendin e titullarit

Ylli i Atletico Madridit, francezi Antoine Griezmann është i përgatitur të bashkohet me rivalin e madh lokal, Real Madridin para Barcelonës dhe Manchester Unitedit.

Griezmann nuk po përjeton një fillim sezoni të mirë me Atleticon dhe ka filluar përsëri të përmendet si një transferim i madh i vitit 2018.

Reprezentuesi i Francës është lidhur me një sërë klubesh të mëdha si Manchester Unitedi, Barcelona dhe Real Madridi këtë sezon.

Lexo po ashtu Griezmann largohet në janar, Barça dhe Unitedi bëjnë gati ofertat?

Me klauzolën e blerjes së Griezmann që do të bjerë nga 200 në 100 milionë euro pas Vitin e Ri, ai do të ketë drejt zgjedhjen e destinacioneve të mundshme.

Djajtë e Kuq janë konsideruar si favorit për nënshkrimin e tij, por sipas mediave spanjolle situata ka ndryshuar krejtësisht.

Sipas mediumit Diario Gol, presidenti i Mbretërve, Florentino Perez është gjithashtu në kontakt me sulmuesin francez.

Lexo po ashtu Futbollistët e mëdhenj dhe domethënia e nofkave të tyre – Nga ‘Shpageta’, te ‘Fëmija’, ‘Diamanti’ dhe ‘Pleshti’ (Foto)

Edhe Griezmann thuhet se është i gatshëm të shkojë në Santiago Bernabeu, por vetëm me kusht që Florentino të ia garantoj vendin në formacion.

Është pohuar se presidenti e ka siguruar francezin se Gareth Bale do të largohet nga Bernabeu për të liruar vend për të në sezonin e ardhshëm. /Telegrafi/