Griezmann: Nuk më intereson Topi i Artë, dua Kupën e Botës me Francën

Antoine Griezmann ka thënë se është i gatshëm të ndajë ambiciet personale pasi synon të udhëheqë Francën drejt triumfit në Kupën e Botës të dielën.

Futbollisti i Atletico Madridit ka shënuar tre herë për Les Bleus dhe ka asistuar në dy të tjerë, duke ndihmuar kombëtaren e tij në rrugën e tyre deri në finalen e së dielës në Moskë kundër Kroacisë.

Lexo po ashtu Francë-Kroaci zhvillohet të dielën, rruga e dy kombëtareve deri në finale

Kundërsulmimet kundër Argjentinës, Uruguait dhe Belgjikës kanë rezultuar me sukses nga skuadra e Didier Deschamps, të cilët nuk kanë luajtur domosdoshmërisht futboll të bukur, por që kanë treguar se janë një ekip i suksesshëm.

Si një nga yjet e tyre, është e natyrshme që Griezmann ka qenë i lidhur me nderime të mëdha individuale, të tilla si Topi i Artë.

Por, sulmuesi 27-vjeçar nuk ka interesim aq të madh për çmimin individual, aq sa dëshiron ta fitojë trofeun e Kupës së Botës me Francës.

Lexo po ashtu Mbappe: Griezmann është shefi i ekipit kombëtar

“Është një shans për të fituar Kupën e Botës, jo Topin e Artë”, ka thënë fillimisht Griezmann.

“Nuk më intereson nëse fitoj Topi i Artë apo jo – do të jepja gjithçka për të qenë një kampion bote”, përfundoi francezi. /Telegrafi/