Grida Duma ka treguar për dashurinë e parë dhe distancën që ua imponon meshkujve

Shumë pak dimë për jetën personale të Grida Dumës, por në një intervistë te re, politikania është shfaqur ‘e zhveshur’ nga ngurtësia që i jep posti i deputetes.

Gjatë pjesëmarrjes në emisionin “S’e Luan Topi” në Top Channel, ajo tregoi për dashurinë e saj të parë, që e ka përjetuar në periudhën e gjimnazit.

“Ka qenë dashuri e shëndetshme… nëse asnjërit nuk i thyhet zemra, nuk është në jetë”, ka thënë deputetja, ndërsa e pyetur nga moderatorja Erjona Rusi nëse i është thyer zemra apo ia ka thyer partnerit zemrën, Duma u përgjigj me humor “me siguri është kjo e dyta”.

Por, a është e hapur sot Grida Duma për dashurinë? Ajo shprehet se burrat nuk arrijnë t’i afrohen deri në këtë pikë.

“Nuk e di, mendoj që i dukem e largët. Besoj se shumë gra që janë në pozicionin tim dhe që kanë një posturë të caktuar, sidomos kur merren me politikë dhe kanë këtë veshjen e të fortës… nuk di se ç’ndodh, sepse nuk vjen deri tek unë”.

“Vjen një kohë, vjen një moshë ku unë nuk pres t’ia dalë tjetri. Unë mund të zgjedh. Si çdo gjë tjetër në jetë kur ke një eksperiencë të caktuar. Nuk kam pasur kurrë ndonjë sjellje që pres të më thonë, pres të më vinë pas. Unë njerëzit që i pëlqej, i pëlqej! Jam shumë në kontroll të ngjarjeve të mia”, ka deklaruar Duma.

Këtë temë, Grida e mbylli me thënien e se “dashuria është e vetmja gjë që nuk duhet të mungojë në jetë”.

View this post on Instagram

A post shared by Grida Duma (@gridadumaal)