Granit Xhaka flet për raportet me tifozët e Arsenali: Ka dashuri më shumë se në vitet e shkuara, por nuk do të jemi kurrë miq të ngushtë

Granit Xhaka e ka pranuar se ai dhe tifozët e Arsenalit mund të mos jenë kurrë “miqtë më të mirë”, por ai tani ndjen “shumë më shumë dashuri” nga tifozët besnikë në ‘Emirates’ sesa në vitet e shkuara.

29-vjeçari kishte tensione të mëdha në tetor të vitit 2019 me tifozët e Arsenalit.

Gjatë ditëve të fundit Unai Emery si trajner, Xhaka, atëherë kapiteni i klubit, reagoi me zemërim ndaj zhurmave që vinin nga turma e tifozëve kur u zëvendësua në ndeshje me Crystal Palace.

Për shpërthimin e tij, zviceranit iu hoq shiriti i kapitenit nga krahu dhe karriera e tij në Arsenal ishte në pikëpyetje, por gjërat kanë ndryshuar vit pas viti.

“Pas asaj që ndodhi dy vjet më parë ne ishim shumë larg njëri-tjetrit. Mendoj se hap pas hapi po afrohemi gjithnjë e më shumë, por nuk besoj se do të jemi miqtë më të mirë”.

🗣 Granit Xhaka has discussed his relationship with the Arsenal fans. pic.twitter.com/Y8ueBVBpc4

— Jason Soutar (@jbsoutar) December 28, 2021

“Ajo që mund t’u them njerëzve është se që nga dita e parë deri në ditën e fundit që jam këtu, do të bëj gjithçka për klubin e Arsenalit”, deklaroi mesfushori shqiptar.

Xhaka tani është lojtar i rregullt në formacion nën drejtimin e Mikel Artetas dhe pjesë e grupit drejtues të Topçinjve.

“Unë do të bëj gabime sepse të gjithë bëjnë. Ne nuk jemi perfekt. Por unë do të jap 100 për qind në çdo seancë stërvitore dhe në çdo ndeshje. Ky është mesazhi im për tifozët”.

Some of you like him, some of you don’t but I’ll always have a soft spot for Granit Xhaka.

I love the player he is. He plays with his heart on his sleeve, with emotion & I don’t think he should have to apologise for that.

He’ll always be my captain as long as he’s here…❤️💪🏼 pic.twitter.com/Q6SOgXkjnv

— now.arsenal (@now_arsenaI) December 28, 2021

“Ndonjëherë keni keqkuptime dhe besoj se kjo ishte arsyeja e vetme e problemit që kishim mes nesh”.

“Ndjej shumë më tepër dashuri se një apo dy vjet më parë, por është një proces i ngadaltë që duhet të bëjmë me njëri-tjetrin”, deklaroi Xhaka.

Arsenali ka bërë përparim të madh në javët e fundit, kur arriti të fitojë disa ndeshje për tu ngjitur në pozitën e katërt ku është aktualisht. /Telegrafi/