Google Maps bëri një ndryshim që nuk u pëlqen përdoruesve

Shumica e përdoruesve të Google Maps janë kundër ndryshimeve që janë zbatuar dhe duan të kthehen në gjendjen e mëparshme.

Google Maps tani po prezanton paletën e re të ngjyrave për më shumë përdorues, e përdoruesit janë mjaft të mërzitur, transmeton Telegrafi.

Edhe pse këto nuk janë ndryshime drastike, ngjyrat e reja të Google Maps i befasuan përdoruesit dhe i bënë ata të ndiheshin jo rehat.

Ka gjithnjë e më shumë postime në Reddit dhe platformën X (dikur Twitter) kundër zgjedhjeve të reja të ngjyrave të Google.

New #Google Maps color palette. pic.twitter.com/I0FVhIhfCg

— SaberTech (@Saber_Tech_11) November 19, 2023

Rrugët, të cilat dikur ishin të shënuara me të bardha, tani janë ngjyrë hiri.

Ngjyra e kaltër që shënonte zonat me ujë tani është dukshëm më e zbehtë, ndërsa zonat e pyllëzuara janë një e gjelbër më e errët se më parë.

Treguesi i rrugës tani është shumë më i ndritshëm dhe e kaltra në mënyrë të papërshtatshme.

Përdoruesit konsiderojnë se rrugët tani janë më të vështira për t’u parë në Google Maps, nëse nuk zmadhohen mjaftueshëm.

@googlemaps the new google maps color update is awful and depressing, and i'm not saying that for hate, it's painful to look at while having to distinguish lakes and rivers and even worse when you're driving. the colors used are basically so light and similar.

— XBGamerX 20 (@xbgamerx20) November 18, 2023

Një nga ankesat më të mëdha është se ngjyrat e reja e bëjnë të vështirë shikimin e detajeve në hartë, sepse ato janë të lara.

Nuk dihet pse Google vendosi të ndryshojë ngjyrat për Maps, por ndoshta komentet e përdoruesve të pakënaqur do ta detyrojnë kompaninë të kthehet në ngjyrat e mëparshme. /Telegrafi/