Me golin e bukur të Giroud, Chelsea e fiton takimin e parë me Atletico Madridin në Ligën e Kampionëve

Chelsea e ka mposhtur Atletico Madridin me rezultat 1-0 në përballjen e parë në 1/8 e finales së Ligës së Kampionëve.

The Blues nuk e filluan mirë takimin, pasi Mason Mount u ndëshkua me kartonë të verdhë dhe kështu do t’i mungojë skuadrës në përballjen e dytë.

Atletico Madrid sa nuk shënoi nga një gabim i Eduard Mendyt në minutën e dhjetë, me portierin që nuk u kuptua me fazën defanzive.

Both sides still searching for a moment to make their mark on this game. 25 minutes played.

🔴 0-0 💠 [25’] #ATMCHE pic.twitter.com/IYHXr1VQF9

— Chelsea FC (@ChelseaFC) February 23, 2021

Thomas Lemar (14’) kishte më pas një gjuajtje të mirë nga një pasim i Luis Suarezit, por topi shkoi pranë shtyllës së majtë.

Chelsea më pas u këndell duke krijuar disa shanse me anë të Mason Mount, Callum Hudson-Odoit e Timo Werner, por u mungoi efikasiteti.

We've passed the hour mark in Bucharest. The Blues continue to dominate possession but haven't found a way through this organised Atletico defence.

🔴 0-0 💠 [62’] #ATMCHE pic.twitter.com/0L9hKdUdIY

— Chelsea FC (@ChelseaFC) February 23, 2021

45 minutat e dytë ishin me një intensitet edhe më të lartë, me blutë që sërish kishin iniciativën.

Ishte minuta e 71-të e takimit dhe më kryesorja kur Olivier Giroud shënoi një gol spektakloar me gërshërë.

Olivier Giroud has just scored this goal in the UCL RO16. I’m speechless. https://t.co/LLtLeLsriv

— Dubois (@CFCDUBois) February 23, 2021

Chelsea lëshoi edhe një tjetër mundësi të artë me Wernerin, që nuk arriti të shënonte vetëm përballë Jan Oblakut.

Kujtojmë se skuadra nga veriu i Londrës në takimin e dytë që zhvillohet në muajin mars do të jetë pa Mason Mount e Jorginho, që janë ndëshkuar me kartonë të verdhë.

Por, natyrisht se ky gol i Chelseat si mysafir i Atleticos ka një përparësi të madhe dhe Thomas Tuchel do të shpresojë që të kalojë në çerekfinale. /Telegrafi/