Golden State është kampion i Lindjes! Curry i pandashëm me 7 trepikësha (Video)

Në natën madhështore në Oracle Arena është konfirmuar “rikthimi i madh” i kampionit aktual të NBA-së – Golden State.

Warriors triumfuan në ndeshjen e shtatë të serisë finale të ‘Play-Off’ të Konferencës Perëndimore, duke triumfuar me rezultat prej 96:88 kundër Oklahoma City Thundersit.

Warriors një javë më parë ishin në disavantazh prej 3:1 me ndeshje, ndërsa tani bëhet vetëm ekipi i dhjetë në histori të ligës më të fortë të basketbollit që e bën këtë përmbysje të madhe.

Stephen Curry ka vendosur edhe një tjetër rekord të ri duke shënuar 36 pikë në saje të shtatë tre pikëshave, e cila ka ngritur shifrën në 32 tresheve në ‘Play Off’, raporton Telegrafi.

Klay Thompson ishte basketbollisti i dytë më efikas te kampioni me 21 pikë, Draymond Green shënoi 11 pikë, ndërsa duhet theksuar edhe paraqitjen e Iguodalas, i cili përpos shtatë pikëve ka luajtur një mbrojtje të duke ndalur Kevin Durantin.

Në anën tjetër, Durant ka përfunduar ndeshjen me 27 pikë, ndërsa Russell Westbrook regjistroi ‘double-double’ prej 19 pikë dhe 13 asistimeve. Serge Ibaka shënoi 16 pikë.

Tani është koha për një finale spektakolare ndaj Cleveland Cavaliers, ku ndeshja e parë zhvillohet ditën e enjte në Oracle Arena të Golden State. /Telegrafi/