“Glory Magazine” reportazh maratonik për Kosovën, Gjilanin dhe Lirinë (Foto)

“Glory Magazinë” është njëra ndër revistat më me nam në ishullin britanik që në edicionin e fundit të saj ka vendosur të bëj një speciale për futbollin kosovar, duke përfshirë Përfaqësuesen e Kosovës, tifozët “Dardanët” si dhe dy klubet e elitës së futbollit kosovar, Gjilanin dhe Lirinë.

Mediumi prestigjioz “Glory” ka filluar reportazhin me shtetin e vogël të Gadishullit Ballkanik, i cili i dalë nga lufta ka gjetur forcën dhe kurajon që në vitin 2016 të garojë për kualifikimet e Kampionatit Botëror “Rusi 2018”, përballë vendeve më të fuqishme në botë si Kroacia, Turqia, Ukraina, Islanda dhe Finlanda.

Gazetari i njohur i këtij mediumi Lee Nash ishte prezent në duelin ndërmjet Kosovës dhe Kroacisë për të investiar figurat eminente të futbollit tonë dhe një pjesë të tifozërisë “Dardanët”.

Pas rikthimit në Kosovë “Glory” u ka kushtuar vëmendje të veçantë dy klubeve të elitës së futbollit kosovar, Gjilanit dhe Lirisë.

Derisa tek klubi prizrenas janë fokusuar tek historia dhe tradita që ruajnë ndër vite bardh e zinjtë tek Gjilani flitet për rivalitetin me rivalin lokal Drita, organizimin e brendshëm të klubit dhe tifozët e zjarrtë “Skifterat”, transmeton Gazetasheshi.com.

Pjesë e këtij reportazhi maratonik tek kuq e bardhët u bënë kryetrajneri i kësaj skuadra, Arbnor Morina, si dhe dy futbollistët Gëzim Rusi dhe Isa Eminhaziri.

Për më tepër flitet se si Kosova një vend i shndërruar në “Teatër lufte” ia ka dalur të mbijetojë me pasionin për sportin dhe futbollin në përgjithësi.

Ky numër i revistës është në shitje në Britaninë e Madhe dhe kushton 10 funte.