Një tjetër ceremoni zhgënjyese për Robert Lewandowskin, i cili pas humbjes në garën për Topin e Artë kundrejt Lionel Messit, po ashtu nuk e ka fituar çmimin e lojtarit të vitit në Globe Soccer Awards.
Ishte pritur që evenimenti i mbajtur në Dubai të Emirateve të Bashkuara Arabe ‘ta korrigjonte’ atë që shumë menduan se ishte një padrejtësi nga France Football duke pasur parasysh vitin fantastik që e pati sulmuesi i Bayern Munichut gjatë 2021.
Mirëpo, ishte anësori i Paris Saint-Germainit, Kylian Mbappe, lojtari që e fitoi çmimin e më të mirit, përkundër se ishte prapa polakut sa u përket arritjeve dhe performancës.
Lista e plotë e fituesve:
Futbollisti i Vitit – Kylian Mbappe
Lojtari i preferuar i tifozëve – Robert Lewandowski
Çmimi Maradona – Robert Lewandowski
Golashënuesi i mirë i të gjitha kohërave – Cristiano Ronaldo
Përfaqësuesja e më e mirë e vitit – Italia
Agjenti më i mirë i vitit – Federico Pastorello
Drejtori më i mirë sportiv i vitit – Txiki Begiristain
Klubi më i mirë i vitit (meshkujt) - Chelsea
Mbrojtësi më i mirë i vitit - Leonardo Bonucci
Portieri më i mirë i vitit - Gianluigi Donnarumma
Klubi më i mirë i vitit (femrat) - Barcelona
Futbollistja e Vitit - Alexia Putellas
Çmimi i inovacionit - Serie A
Lojtari më i mirë i vitit në eSports - Msdossary7
Akademia më e mirë e të rinjve në Afrikë - ZED FC
/Telegrafi/
