Gjorgiev: Car Samuili, Prliçev dhe vllezërit Metodi janë personalitete të shumë popujve

Dragi Gjorgiev, drejtori Institutit të Historisë Kombëtare dhe udhëheqësi i komisionit nga Maqedonia në bisedimet me komisionin bullgar për rishikimin e teksteve shkollore në përputhje me marrëveshjen mbi marrëdhëniet e fqinjësisë së mirë, tha se Car Samuili është një person shumëkombësh të disa popujve, përcjell Telegrafi Maqedoni.

Aktualisht ekziston debat midis ekspertëve të Maqedonisë dhe Bullgarisë mbi veprimet e sundimtarit mesjetar dhe kërkesën për përkujtimin e tij të përbashkët nga të dyja vendet, pas një marrëveshjeje të tillë për Grigor Prliçevin dhe vëllezërit e shenjtë Kirilin dhe Metodin.

“Unë mendoj se mundësit janë reale që edhe për Car Samuil të arrihet pajtueshmërinë në komision, sepse padyshim Car Samuili është pjesë e kujtesës së popullit maqedonas dhe atij bullgar. Është vetëm dëshmi se me një person historik mund të identifikohen më shumë kultura dhe kombe, por qasja ndaj vlerësimit të saj duhet të jetë e lirë nga ideologjia. Problemi kryesor është natyra e shtetit të Samuilit. Në historiografinë tonë interpretohet si një shtet maqedonas ose vetëm si një shtet i Samuilit dhe në atë bullgar si një vazhdim i shtetit të parë mesjetar bullgar. Në të vërtetë, është një dilemë që është e pranishme në historiografinë botërore ku mund të gjenden interpretime të ndryshme mbi këtë çështje”, tha Gjorgiev në një intervistë për “Press24”.

Ai krahasoi këtë me karakterin dhe punën e Karlit të Madh, i cili, sipas tij, nuk është as francez, as gjerman, dhe në të njëjtën kohë konsiderohet “babai i Evropës”./Telegrafi/