Gjiganti “Fiat” përzgjedh artisten shqiptare Ava Max, si imazh për promovimin e veturës së tyre të re

Artistja e re shqiptare, Ava Max, është shndërruar thuajse në senizacionin e momentit.

Ajo ka tashmë dy këngë hite në repertoarin e saj të publikuar përbrenda një viti, “Sweet but Psycho” dhe “So am I”, të cilat numërojnë miliona klikime në platformat e mëdha të muzikës si Spotify dhe YouTube.

Ndërkohë, vetëm pak javë më parë, 24-vjeçarja ka publikuar edhe këngën e saj më të re “Torn”, e cila gjithashtu është pritur mirë nga publiku, duke kaluar shifrën prej 12 milionë klikimeve në YouTube, për vetëm brenda pak javëve.

Klipi i kësaj kënge është mjaft i veçantë dhe xhirimet janë kryer në Milano.

Lexo po ashtu Ava Max vazhdon të shënojë shifra të larta dëgjimesh në Spotify

Ava Max vjen si një super heroinë që ndeshet me kriminelët e këqinj në klip, teksa në anën tjetër tërheq një paralele me jetën normale, duke u shfaqur si një vajzë e thjeshtë, por që në një prej skenave thyen xhamin e veturës së të dashurit, duke i prerë atij rripin e sigurimit.

E vetura në fjalë, është prodhimi më i ri i markës botërore të veturave, “Fiat”, të cilët kanë mbështetur projektin e ri të këngëtares.

Këngëtarja me prejardhje nga Saranda e Shqipërisë, është bërë imazh i kësaj marke, duk promovuar modelin më të ri të nxjerrë në treg nga kompania me origjinë italiane.

Ka qenë faqja zyrtare e kompanisë “Fiat” në Instagram, ajo e cila ka prezantuar disa fotografi nga xhirimet e klipit “Torn” të shqiptares Ava Max, pikërisht te skena e veturës.

Në mbishkrimin e fotografisë, ata nuk i kanë kursyer komplimentet dhe vlerësimet për shqiptaren, duke e cilësuar si një ndër interpretueset më të mira të muzikës pop.

https://www.instagram.com/p/B2Q5VFPoq8b/

“Një nga këngëtaret më të mëdha të pop-it ndonjëherë dhe një nga qytetet më në modë. Duket se diçka e mahnitshme do të ndodhë”, shkruan kompania “Fiat” në mbishkrimin e këtij postimi.

Lexo po ashtu E grimuar kuq e zi krenohet me origjinën e saj, Ava Max: Kthehem te rrënjët e mia shqiptare

Ava Max përndryshe është një artiste me prejardhje shqiptare, e njohur ndërkombëtarisht tashmë, e cila është lindur e rritur në Shtetet e Bashkuara të Amerikës, nga prindër shqiptarë. /Telegrafi/