Gjest për t’u përshëndetur: Shkupjani kërkon t’a dëmshpërblej vozitësin pasi e pengoi në komunikacion (Foto)

Edhe në Maqedoni ka njerëz të ndërgjegjshëm që duan të kërkojnë falje për gabimet e bëra dhe për të njejtat të paguajnë dëmshpërblim.

Këto ditë nëpër rrjetet sociale është shpërndarë një fotografi ku një person me emrin Novak në Facebook ka shkruar një lutje deri tek shokët e rrjetit të tij duke ju kërkuar që të identifikojnë një person të cilit i ka penguar përderisa ai ka qenë duke e dhënë provimin e qytetit me komisionin e autoshkollës.

”A njihni ndonjë që është testuar sot me një veturë Volkswagen Polo (ngjyrë hiri, nuk e mbaj mend autoshkollën) në lagjen Aerodrom në Shkup. Për shkak një gabimin që e bëra unë, pa dashje, me siguri që ai do të rrëzohet nga provimi dhe duhet të testohet përsëri. Dua që t’i kërkoj falje dhe t’i mbuloj harxhimet e testimit të ardhshëm.” shkruan Novak në Facebook, shkruan Telegrafi Maqedoni.

Përndryshe ky është mesazh që është pëlqyer dhe është shpërndarë shumë nëpër internet.

Testimi i autoshkollës në Maqedoni është në tre etapa: testimi me shkrim, poligoni dhe testimi me vozitje nëpër qytet. /Telegrafi/