Gjendet personi që kërkohej për vjedhje të rëndë, i gjenden një shumë e parave

Policia e Kosovës njoftoi të mërkurën se pas publikimit të fotografisë së një personi në kërkim, i njëjti është arrestuar.

Sipas njoftimit, ai po kërkohej për veprën penale “Vjedhje e rëndë”.

“Drejtoria Rajonale e Policisë në Gjakovë, me datën 31.01.2023 ka lëshuar kërkesë për bashkëpunim me qytetarë për arrestimin e personit Shqiprim (Tomë) Dedaj i lindur me 28.11.1984, banues në rrugën “Pashko Vasa” në Gjakovë i cili kërkohej për veprën penale ‘Vjedhje e rëndë’.

Lexo po ashtu Policia kërkon bashkëpunim për lokalizimin e të dyshuarit për vjedhje të rëndë

Sektori Rajonal për Hetime, falë bashkëpunimit me qytetarë dhe media, pas publikimit të fotografisë së personit të kërkuar, ka arritur që për një kohë të shkurtë të siguroj informacion lidhur me vendndodhjen e të kërkuarit dhe të bëjë arrestimin e tij”, thuhet në komunikatën për media.

Në momentin e arrestimit, të dyshuarit i janë gjetur dhe sekuestruat një shumë e parave të cilat dyshohet se ai i kishte përvetësuar në kohën e kryerjes së veprës penale, për të cilën ishte lëshuar kërkesë për bashkëpunim me qytetarë.

“Me vendim të Prokurorit të Shtetit i dyshuari është ndalur në mbajtje për 48 orë. Me këtë rast, Drejtoria Rajonale e Policisë në Gjakovë, falënderon të gjithë qytetarët dhe mediat për bashkëpunimin e treguar me Policinë e Kosovës, bashkëpunim ky i cili po ndikon në ruajtjen e rendit dhe sigurisë publike”. /Telegrafi/