Gjasat e Ronaldos për lojë ndaj Koresë së Jugut janë 50 për qind

Cristiano Ronaldo mund të mungojë në ndeshjen e fundit grupore të Portugalisë në Kampionatin Botëror, ‘Katar 2020’.

Skuadra evropiane tashmë e ka siguruar pjesëmarrjen në 1/8 finales, ndërsa të premten luan përballë Koresë së Jugut, por do të dëshironte të shmangte Brazilin në fazën tjetër.

Çfarë ka ndodhur: Përzgjedhësi i Portugalisë, Fernando Santos, ka konfirmuar se disponueshmëria e sulmuesit për ndeshjen e fundit të Grupit H është në dyshim, pasi ai ka munguar në stërvitjet e djeshme (e mërkurë). Natyra specifike e lëndimit të tij nuk është konfirmuar, por besohet se ka probleme me dhimbje në gju.

Çfarë është thënë: “Mendoj se është 50-5- nëse luan ose jo, do të shohim. Do të varet nëse dhe si stërvitet sot (e enjte), nëse do ta shohim se është në gjendje të mirë. Ka një plan nëse ai nuk është në dispozicion”, ka thënë Santos në një konferencë për shtyp.

Si qëndron situata: Portugalia është kualifikuar në fazën e eliminimit direkt të Kampionatit Botëror pas fitoreve ndaj Ganës dhe Uruguait.

Çfarë shpreson Portugalia: Ekipi i Santos dëshiron ta regjistrojë edhe fitoren e tretë ndaj Koresë së Jugut për ta siguruar vendin e parë në Grupin H.

View this post on Instagram

A post shared by Cristiano Ronaldo (@cristiano)

Komenti i Ronaldos: Superylli i futbollit ka bërë një postim në rrjetet sociale duke thënë: “Kualifikimi është i garantuar, por duam edhe vendin e parë. Nuk ka kufij për këtë ekip apo objektivat tona. Le të shkojmë për më shumë! Forca Portugalia!”. /Telegrafi/