Getafe ‘merr vendimin përfundimtar’ për Mason Greenwood pas vetëm dy muajsh si huazim

Getafe ka marrë një vendim për të ardhmen e Mason Greenwood vetëm dy muaj pas huazimit të tij nga Manchester United.

Thuhet se skuadra spanjolle është e prirur ta kthejë huazimin e Greenëood në një marrëveshje të përhershme, me yllin e United që ka shënuar tre gola dhe ka regjistruar dy asistime në dhjetë ndeshjet e tij në La Liga deri më tani.

Sipas mediumit The Sun, drejtuesit e Getafe duan të negociojnë me United për një transferim ose një zgjatje të huazimit të lojtarit.

Lexo po ashtu Pak kohë pasi morën vendimin për largimin e tij, Man United po konsideron mundësinë e rikthimit të Greenwood

“Getafe ka diskutuar mundësinë për të ftuar United në tryezë në mënyrë që ata të mund të bëjnë një ofertë, e cila ata besojnë se mund të jetë tërheqëse për United”.

“Opsioni më i mundshëm është që United të pajtohet që huazimi të zgjatet pasi ata e dinë se Mason është i lumtur dhe po rindërton jetën e tij”, ka thënë një burim i paidentifikuar pranë klubit.

Pavarësisht diskutimeve mbi reputacionin e tij në Angli, Greenwood është pritur ngrohtësisht nga klubi spanjoll dhe tifozët e tyre.

Lojtari, kontrata aktuale e të cilit me United skadon në vitin 2025, jeton në Spanjë me partneren e tij dhe vajzën e vogël./Telegrafi/