Gattuso: Skuadra nuk funksionon, e humbëm rrugën

Gennaro Gattuso ka pranuar se Milani e “humbi rrugën” në ndeshjen ndaj Real Betisit dhe se skuadra kundërshtare e dominoi ndeshjen.

Pas humbjes në derbi nga Interi (1-0), Rossonerët pësuan edhe nga ekipi spanjoll (2-1) në Ligën e Evropës, edhe atë para tifozëve në San Siro.

“E humbën rrugën tërësisht. Ishte një ndeshje me vuajtje, sepse e humbëm besimin”.

“Kjo skuadër nuk luan me mendje të pastër, nuk mund ta bëjë atë që do dhe e largoi tensionin vetëm në minutat e fundit”.

“Betisi e meritoi, nuk do të flas për incidentin e penalltisë, sepse ata e dominuan lojën. Ajo që më shqetëson është brishtësia jonë”.

Lexo po ashtu Lajmet për Gattuson

“Nuk po luajmë me kurrfarë rrjedhshmërie, nuk mund ta qarkullojmë topin. Duhet të flasim me lojtarët dhe ta gjejmë se ku qëndron problemi. Mund të jetë edhe çështje taktike”.

“Madje as nuk i ngjan skuadrës së njëjtë që e pamë para disa javësh. Duhet ta gjejmë zgjidhjen e duhur për t’u përmirësuar. Mbi të gjitha, është problemi psikologjik, sepse nuk po arrijmë të reagojmë”.

“Nuk arrijmë ta kontrollojmë tempin ose lojën. Nuk mund të krijonim asgjë me topin në këmbë… Ekipi nuk funksionon. Unë jam i pari që duhet të marr përgjegjësi për këtë. Duhet ta gjej zgjidhjen më të mirë për skuadrën”, ka deklaruar Gattuso për Sky Sport Italia. /Telegrafi/