Gattuso dhe Spalletti publikojnë listat e lojtarëve të ftuar për Derby della Madonnina

Gennaro Gattuso i Milanit dhe Luciano Spalletti i Interit kanë publikuar listën e futbollistëve që i kanë ftuar për ndeshjen derbi të së dielës në Serie A. 

Milani dhe Interi do të ndeshen mes vete në Derbyn della Madonninan e dytë të këtij sezoni në Serie A.

Lexo po ashtu Gattuso: Kam frikë nga Spalletti, ka më shumë përvojë në derbi

Kjo ndeshje derbi është e dytë në këtë sezon në Serie A, ku të parën e fituan Nerazzurët me rezultat 3-2, ndërsa Rossonerët e eliminuan Interin në Kupën e Italisë në çerekfinale.

Rossonerët janë në formë të lartë që nga fillimi i 2018-tës dhe duan ta vazhdojnë këtë formë dhe serinë e fitoreve edhe ndaj Interit.

Në anën tjetër, Nerazzurët janë larg formës së fillimit të sezonit dhe duan të gjejnë besimin pikërisht me rezultat pozitiv në derbi.

Lexo po ashtu Spalletti: Icardi luan në derbi, nuk më shqetëson perfomanca e mirë e Milanit

Te Milani për këtë ndeshje do të ketë mungesa si ajo e Ignazio Abate dhe Luca Antonelli, ndërsa Interi është i kompletuar, por me Borja Valeron në gjendje jo të mirë.

Ky takim fillon të dielën nga ora 20:45 dhe zhvillohet në San Siro.

Skuadra e Milanit ndaj Interit:

Portierët: A Donnarumma, G Donnarumma, Storari;

Mbrojtësit: Bonucci, Calabria, Gomez, Musacchio, Rodriguez, Romagnoli, Zapata;

Mesfushorët: Biglia, Bonaventura, Calhanoglu, Locatelli, Kessie, Mauri, Montolivo;

Sulmuesit: Borini, Cutrone, Kalinic, Andre Silva, Suso

Skuadra e Interit ndaj Milanit:

Portierët: Handanovic, Padelli, Pissardo;

Mbrojtësit: Lisandro Lopez, Joao Cancelo, Ranocchia, Santon, Miranda, Dalbert, D’Ambrosio, Skriniar;

Mesfushorët: Gagliardini, Rafinha, Vecino, Borja Valero, Emmers, Brozovic;

Sulmuesit: Icardi, Karamoh, Eder, Perisic, Candreva

/Telegrafi/