Gattuso afër rinovimit të kontratës me Napolin

Trajneri italian, Gennaro Gattuso thuhet se do të nënshkruajë një kontratë të re me Napolin, e cila do të vazhdojë qëndrimin e tij edhe për shumë vite.

Marrëveshja aktuale e Gattusos me Napolin skadon në fund të sezonit, por rinovimi pritet të ndodh.

Sipas La Gazzetta dello Sport, 42-vjeçari do të nënshkruajë një marrëveshje të re dy-vjeçare me hierarkinë e San Paolo me vlerë 1,9 milion euro në vit.

Lexo po ashtu Pagat e të gjithë trajnerëve në Serie A, Conte dukshëm më i paguari

Të dy palët kanë arritur pothuajse një marrëveshje totale pasi që Aurelio De Laurentiis ra dakord të ulte klauzolën prej 7 milionë euro të cilën ai do të donte ta përfshinte në kontratën e re nëse marrëdhëniet midis palëve do të ndërpriteshin.

Gattuso dhe Napoli fillimisht vendosën të negociojnë një kontratë të re në pranverë, por drejtorët e klubit dëshironin të arrinin një marrëveshje më herët dhe në ditët e fundit ata ishin afër përfundimit të marrëveshjes.

Të enjten në mbrëmje, Napoli thuhet se i konfirmoi agjentit të Gattusos, Jorge Mendes, qëllimin e tyre për të mbyllur marrëveshjen dhe për të zgjatur kontratën e trajnerit të tyre.

Njoftimi zyrtar i rinovimit të kontratës pritet të ndodh rreth Krishtlindjeve.

Gattuso u emërua trajner i Napolit në dhjetor të vitit 2019 dhe ka një mesatare prej 1.83 pikësh në 35 ndeshje deri më tani. /Telegrafi/