Gabriel nuk ka dashur të jetë në të njëjtën tryezë me Lavrov dhe për këtë arsye është larguar herët nga Shkupi

Nuk mund të jem në të njëjtën tryezë me njerëz që kanë manifestime antibullgare dhe antievropiane, tha zëvendëskryeministrja dhe ministrja e Punëve të Jashtme të Bullgarisë, Mariya Gabriel, duke komentuar largimin e saj nga Këshilli Ministror i OSBE-së në Shkup para mbërritjes të kreut të diplomacisë ruse, Sergey Lavrov.

“Isha në Shkup për t’i bërë nderimet e mia kryetarit të OSBE-së. Përveç kësaj, ishte një darkë e liderëve evropianë ku secili prej nesh duhej të thoshte se jemi atje sepse nuk duam të nënshkruajmë vdekjen e OSBE-së. Pas asaj darke, nuk mendoj se prania ime atje duhet të ishte fizike, ndaj u largova. Nuk dua të marr pjesë me përfaqësues të vendeve që na kanë shpallur armiqësore”, tha Gabriel.

Bullgaria, ndonëse më herët kishte njoftuar se po jepte leje fluturimi, megjithatë nuk lejoi që avioni i ministrit të Jashtëm rus Sergey Lavrov, i cili ishte nisur për në Shkup, të kalonte në hapësirën ajrore të saj, sepse ishte edhe zëdhënësja e MPJ-së ruse, Maria Zakharova në bord.

Për shkak të kësaj, Lavrov mbërriti në Shkup përmes Turqisë dhe Greqisë dhe fluturimi zgjati pesë orë.

Moska zyrtare e quajti ndalimin bullgar “marrëzi e rrezikshme e një shakaxhiu në strukturat e pushtetit të Bullgarisë”. /Telegrafi/