Gabigol: Gabova kur u largova nga Santosi, jam i lumtur me rikthimin

Gabriel Barbosa i njohur si Gabigol ka pranuar se ai “u përpoq shumë, por ishte e vështirë” dhe shkoi keq sapo u largua nga Santosi në Inter.

Gabigoli kthehet në Santos në huazim, 18 muaj pas largimit për Interin në një kontratë prej 29.5 milionë eurosh, me sulmuesin që nuk ka arritur të bëjë asnjë paraqitje si titullar në Serie A në kohën e tij me Nerazzurët.

“Kam provuar shumë dhe jam përpjekur shumë te Interi në raste të caktuara”, ka thënë fillimisht Gabigol në prezantimin e tij zyrtar te Santosi.

Lexo po ashtu Doracaku Inter - Si t'i digjni 70 milionë euro për një ditë

“Unë e di që kam bërë gabime, por unë po shkoj përpara përsëri. Është shumë e lehtë për mua në Santos”.

“Jam ende shumë i ri, duke luajtur futboll më jep lumturi dhe më duhet të luaj përsëri”.

“Vendosa se ishte koha për t’u kthyer, ndërsa po mendojë edhe për Kupën Botërore”.

Lexo po ashtu Zyrtare: Gabriel Barbosa rikthehet te Santosi

“Kam gabuar kur u largova nga skuadra për Interin, por kërkova ndjesë të nesërmen”.

“Cilësia më e mirë e një burri është që të kërkojë falje pasi bën një gabim dhe mëson prej tij”, përfundoi braziliani. /Telegrafi/