Franca mund t’i lë në bankë dy yjet kryesorë ndaj Shqipërisë

Didier Deschamps mund të bëjë një lëvizje shumë të guximshme në formacionin bazë në përballjen kundër Shqipërisë.

Goal shkruan se ai mund ta lë jashtë yllin e skuadrës, Paul Pogba, pas paraqitjes së tij jo të mirë në ndeshjen hapëse kundër Rumanisë, transmeton Koha.net.

Madje edhe ylli i Atletico Madridit, Antoine Griezmann, rrezikon të mbetet jashtë formacionit bazë kundër Shqipërisë.

Deschamps edhe në ndeshjen hapëse të Evropianit kishte nxjerrë nga loja Griezmann në minutën e 66, kurse Pogban në minutën e 78 për shkak të mosangazhimit të mjaftueshëm të tyre.

Se a do të ndodhë kjo, pritet të shihet nesër (e mërkurë) nga ora 21:00 kur Shqipëria luan kundër Francës në Marsielle.