Chelsea është nikoqir i Manchester Unitedit në derbin e javës së nëntë në Ligën Premier.
Së bashku me Manchester Cityn dhe Liverpoolin, Blutë janë ndër kryesuesit e tabelës me 20 pikë të arkëtuara në tetë javët e para.
Në këtë periudhë, skuadra e Maurizio Sarrit ka regjistruar gjashtë fitore dhe dy barazime.
Nga ana tjetër, Djajtë e Kuq nuk e kanë filluar aq mirë sezonin e ri në kampionatin anglez dhe mbajnë vendin e tetë në tabelë.
Lojtarët e Jose Mourinhos i kanë fituar katër ndeshje, kanë nxjerrë një barazim dhe kanë regjistruar tri humbje.
Dueli në Stamford Bridge pritet të dhurojë spektakël për dashamirët e futbollit.
Formacioni startues i Chelseat: Arrizabalaga, Azpilicueta, David Luiz, Rudiger, Alonso, Jorginho, Kovacic, Kante, Willian, Morata, Hazard.Formacioni startues i Manchester Unitedit: De Gea, Young, Lindelof, Smalling, Shaw, Mata, Matic, Pogba, Rashford, Lukaku, Martial.
/Telegrafi/
