Formacionet zyrtare: Chelsea dhe Arsenali zhvillojnë gjysmëfinalen e parë të Carabao Cup

Chelsea është nikoqir i Arsenalit për ndeshjen e parë gjysmëfinale të Kupës EFL të njohur si Carabao Cup.

Është ky një derbi i dy rivalëve të kampionatit anglez që bartet në këtë kupë, ndërsa sfida e parë zhvillohet në Stamford Bridge.

Skuadra e Antonio Contes do të përpiqet të nxjerrë rezultat sa më të mirë në këtë ndeshje, kur kihet parasysh se ndeshja e kthimit zhvillohet në Emirates.

Lexo po ashtu Statistika, analizë dhe parashikim: Chelsea - Arsenal

Nga ana tjetër, ekipi i Arsene Wenger do të japë maksimumin për të nxjerrë rezultat pozitiv para ndeshjes së kthimit, meqë nuk dëshiron të eliminohet edhe nga një kupë tjetër.

Kujtojmë që Topçinjtë u eliminuan prej Kupës FA, nga një skuadër që bën gara në Championship, Nottingham Forest.

Formacioni zyrtar i Chelseat: Courtois; Azpilicueta (c), Christensen, Rudiger; Moses, Kante, Fabregas, Drinkwater, Alonso; Hazard, Morata.

Formacioni zyrtar i Arsenalit: Ospina; Chambers, Mustafi, Holding; Bellerin, Wilshere, Xhaka, Maitland-Niles; Iwobi, Welbeck; Lacazette.

Në ndërkohë, është raportuar se teknologjia VAR (video asistenca e gjyqtarit) do të shfrytëzohet në të dyja ndeshjet gjysmëfinale të Kupës EFL ndërmjet Chelseat dhe Arsenalit.

Lexo po ashtu VAR do të përdoret në finale të Carabao Cup dhe në gjysmëfinale ndërmjet Chelseat dhe Arsenalit

Njëherësh, kjo teknologji do të përdoret edhe në finalen e muajit të ardhshëm, por nuk përdoret në ndeshjet gjysmëfinale ndërmjet Manchester Cityt dhe Bristol Cityt. /Telegrafi/