Fondi më i madh i pensioneve në Suedi, humb rreth dy miliardë euro

Fondi më i madh i pensioneve në Suedi, Alecta, humbi dy miliardë dollarë për shkak të dështimit të bankave amerikane.

Shefi ekzekutiv i fondit, Magnus Billing, tha se shkalla e humbjeve ishte bërë më e dukshme pasi grupi privat i pensioneve shiti të gjitha aksionet në First Republic Bank, me një humbje prej 7.5 miliardë korona (725 milionë euro).

Ai tha se investimet në bankat amerikane ishin “një dështim i madh”, raportoi bloomberg.

Siç u përmend, Alecta po përballet me humbje prej afro 2 miliardë euro për shkak të një strategjie të dështuar investimesh që e ka bërë atë një nga aksionerët më të mëdhenj në dy banka të dështuara amerikane dhe një tjetër të përfshirë në krizën e vazhdueshme bankare.

Ai gjithashtu shton humbjet e pritshme prej 860 milionë euro dhe 309 milionë euro në Silicon Valley Bank dhe Signature Bank.

“Pasiguria rreth të ardhmes së bakës First Republic ishte shumë e madhe, pjesërisht për shkak të faktit se kreditori u zvogëlua në statusin e “junk”,” tha Billing.

Siç u tha, Alecta është mjaft e madhe për të përballuar humbjet që nuk do të prekin 2.6 milionë suedezët, kursimet private të të cilëve janë investuar në fond.

Megjithatë, lajmi shkaktoi një protestë publike në Suedi, veçanërisht sepse Alecta kohët e fundit braktisi aksionet e saj në dy huadhënës vendas – Svenska Handelsbanken AB dhe Svedbank AB, dhe zgjodhi të investojë në bankat amerikane.

SVB kryesisht i shërbeu komunitetit fillestar, ndërsa Signature synoi komunitetin e kriptovalutave. /Telegrafi/