Flet motra e Sin Boy: Reperi përfundon në spital pas sulmit të dhunshëm në sallon bukurie

Reperi Sin Boy përfundon në spital pas sulmit të dhunshëm në sallon bukurie

Reperi i njohur, Sin Boy, është dhunuar brutalisht nga dy persona të maskuar brenda një salloni bukurie.

Incidenti ndodhi teksa artisti ishte duke bërë një transmetim live në TikTok për ndjekësit e tij.

Videoja e ka kapur momentin tronditës kur Sin Boy, i cili në atë moment po lyente flokët, u sulmua papritur dhe u godit me dhunë nga dy individë.

Motra e Sin Boyt ka dhënë një intervistë për revistën “Hello”, ku ka zbuluar detaljet e gjendjes së tij shëndetësore pas sulmit.

“Vëllai ka dhimbje koke dhe është i trullosur, ndërsa nëna jonë po qëndron në spital me të. Shkuam direkt në spital sepse kisha dyshime për hematomë,” ka rrëfyer ajo.

Duke përshkruar më tej ngjarjen, motra ka thënë: “Ai ishte live në TikTok, unë isha jashtë. Dëgjuam zhurmë dhe raundi i sendeve që binin dhe një prej shoqeve të mia bërtiti ‘po e rrahin’. Kur shkova brenda, pashë dy burra me maska që iu sulën vëllait dhe filluan ta godasin me grusht. Pasi e rrëzuan, vazhduan ta rrahin me shkelma. Sin Boy u ngrit i trullosur dhe vajzat në sallon bënë ç’të mundën për ta qetësuar. I sollëm ujë dhe e dërguam menjëherë në një farmaci për ndihmë. Ndërkohë, sulmuesit u larguan me vrap nga vendi i ngjarjes.” /Telegrafi/

View this post on Instagram

A post shared by Greek Trap Lyrics (@greeklyrics_0fficial)