Filloi fushata e vaksinimit të kafshëve të egra kundër tërbimit, Thaçi thotë se dhelpra është burimi kryesor i sëmundjes

Ka filluar fushata kundër vaksinimit të kafshëve të egra kundër tërbimit,  e financuar nga Bashkimi Evropian me rreth 1 milion euro. Drejtori Ekzekutiv i Aviacionit të Kosovës, Eset Berisha ka thënë se procesi i shpërndarjes së vaksinimit do të realizohet përmes ajrit nëpër të gjitha zonat malore, duke përjashtuar qendrat urbane dhe sipërfaqet ujore.

Ka filluar faza e dytë e vaksinimit të kafshëve të egra kundër tërbimit e cila do të vazhdojë deri më 1 Nëntor nëpër të gjitha zonat malore këtë e ka bërë të ditur Lamir Thaçi nga Agjencia e Ushqimit dhe Veterinarisë .

Thaçi ka thënë se kostoja e projektit e financuar nga BE- ja sillet rreth 1 milion euro e cila ka për qëllim imunizimin e kafshëve të egra kundër sëmundjes së tërbimit.

“Dhelprat konsiderohen si vatrat kryesore të sëmundjes që pastaj mund të barten të qentë e më pas edhe te njeriu…Kostoja e projektit kap vlerën 1 milion euro dhe do të vazhdoj deri në vitin 2020”, deklaroi për RTV Dukagjinin, Lamir Thaçi.

Kurse Drejtori Ekzekutiv i Aviacionit të Kosovës, Eset Berisha ka thënë se gjatë kësaj periudhe do të fluturojnë  4 aeroplan që përmbyll ciklin katër vjeçar të vaksinimit.

“Është një fushatë e financuar nga Komisioni Evropian e që implementohet nga një partner i tyre prej katër vitesh…Do të fluturojnë 4 aeroplanë kryesisht në zona malore ka janë habitatet e kafshëve”, deklaroi Eset Berisha, përcjell Telegrafi.

Kurse drejtoresha e Fondacionit për të Drejtat e Kafshëve, Elza Ramadani vlerëson se kjo fushatë është e domosdoshme e prioritare madje ajo thotë se duhet të kemi edhe kampanja vetëdijsuese për kontrollimin e tërbimit të kafshëve./RTV Dukagjini/Telegrafi/