Këngëtarja e njohur nga Ferizaj, Filloreta Raçi – Fifi, këtë periudhë karantine ka mbajtur mjaft aktiv fansat me interpretimin e këngëve të ndryshme në versionin e saj.
Ajo së fundmi ka paralajmëruar ‘remake’ e hitit muzikor të dikurshëm “A po vjen me mu”.
Artistja ka publikuar një pjesë të këtij projekti në llogarinë personale, Instagram, ndërsa tregon se së shpejti prezantohet i plotë.
Përkrah saj, shfaqet edhe producenti i njohur Shkumbin Nebihu që tashmë qëndron prapa shumë hiteve muzikore shqiptare.
“A po vjen me mu”, së shpejti remake”, ka shkruar ajo krahas postimit.
Reagimet e ndjekësve ishin të shumta, të cilët duket se mezi po presin për këtë këngë të 26-vjeçares.
Fifi vetëm pak ditë më parë solli në versionin e saj këngën "Tradhtare" të Ramadan Krasniqit - Dani. /Telegrafi/
