‘Fenomeni’ Ronaldo flet për kohën te Reali: Perez punësonte staf të sigurimit për të ndaluar festat e mia, por unë i dribloja edhe ata

Legjenda braziliane, Ronaldo Nazario ka diskutuar ditët e tij të lojës me Jorge Valdanon dhe dyshja bëri shaka për dashurinë e brazilianit për jetën e natës gjatë kohës së tij në Madrid.

Ronaldo u bashkua me Real Madridin më 2002 dhe ndërsa ai ishte një talent i jashtëzakonshëm, ai gjithashtu shijoi një mënyrë të ‘çmendur’ jetese jashtë fushe.

‘Fenomeni’ ka treguar historinë gazmore të punësimit të sigurimit nga Real Madridi për ta ndaluar atë të organizojë parti, por disa nga rojet u bashkuan me atë në festë.

Lexo po ashtu Mourinho zgjedh lojtarin më të mirë të të gjitha kohërave, injoron Messin dhe Ronaldon

‘R9’ do të festonte rregullisht në kryeqytetin spanjoll dhe në një intervistë me Jorge Valdano, ai zbuloi se sa e bezdiste presidenti Florentino Perez.

Valdano i kujtoi Ronaldos se ai madje gjeti një mënyrë për ta rrethuar me staf të sigurimit.

“Ishte një kohë e mrekullueshme pasi Reali dhe qyteti i Madridit është kombinimi më i mirë i klubit dhe qytetit që mund të gjesh”, ka thënë fillimisht Ronaldo ai në intervistën për Movistar +.

“Florentino vendoste staf të sigurisë te dera për të më ndaluar. Unë përfundova duke i dribluar edhe ata. Disa madje u bashkuan në festë!”.

“Ekziston një legjendë për të gjitha, më shumë sesa ajo që ishte në të vërtetë”.

Lexo po ashtu Capello: Ronaldo organizonte ‘party’ dhe sillte alkool në zhveshtoret e Real Madridit

“Ndonjëherë unë ndoshta bëja party [festa] shumë, por në të vërtetë nuk ishte kështu”.

“Unë gjithmonë kam qenë shumë i përgjegjshëm dhe jam përpjekur gjithmonë të mos lëndoj trupin tim”.

“Po, pasi fitoja ndeshjet më pëlqente të festoja … dhe pasi që gjithmonë i fitonim, ky ishte një problem!”.

“Por, legjenda ka më shumë sesa realitet”, përfundoi legjenda braziliane. /Telegrafi/