Ora më e mirë për marrëdhënie intime ndryshon me moshën
Për disa, një marrëdhënie intime në mëngjes është mënyra perfekte për të nisur ditën, ndërsa shumica preferojnë butësinë e pasdites ose intimitetin e mbrëmjes.
A ekziston “koha ideale”?
Shumë pyesin nëse ekziston momenti më i mirë për intimitet dhe a ndryshon kjo me kalimin e viteve. Nuk ka përgjigje universale, por një studim tregoi se raportet intime ndodhin më shpesh vonë natën.
Koha e dytë më e preferuar është mbrëmja e hershme, ndërsa 16% e të anketuarve pranuan se parapëlqejnë masturbimin në mëngjes më shumë se marrëdhënien e mbrëmjes (10%).
Edhe gjinia ka rol: sipas një kërkimi të kompanisë Lovehoney, burrat ndihen më të disponueshëm për intimitet në orët e mëngjesit (6–9), ndërsa gratë shpesh janë më të eksituara vonë në mbrëmje, mes orës 23:00 dhe 02:00.
Por fakti që një kohë është më e zakonshme, nuk do të thotë se është edhe më e mira. Ja si ndryshon intimiteti sipas moshës:
20 - 30 vjeç
Edhe pse shumica e përjetojnë intimitetin për herë të parë rreth moshës 17 vjeç, të njëzetat janë periudha kur libidoja është në kulm. Hormonet janë më aktive, fertiliteti më i lartë, dhe dëshira më e fortë.
Eksperti i hormoneve, Mike Kocsis, thotë: “Keni më shumë energji, reagim emocional më të fuqishëm dhe libido më të lartë, veçanërisht rreth ovulacionit.”
Prandaj, mëngjesi shpesh është koha më e mirë. Përveç kësaj, kjo dekadë është ideale për eksplorim dhe spontanitet. Seksologia April Maria thekson: “Koha më e mirë është kurdo që shfaqet dëshira”, transmeton Telegrafi.
Në këtë moshë, jeta shpesh mbushet me përgjegjësi: fëmijët, puna stresuese dhe mungesa e kohës së lirë bëjnë që intimiteti të planifikohet më shumë.
Stresi mund të ndikojë te hormonet dhe të ulë dëshirën, por marrëdhëniet intime marrin një dimension të ri, më shumë besim, lidhje emocionale dhe kënaqësi shpirtërore.
Sipas Kocsis: “Në këto vite intimiteti udhëhiqet më pak nga hormonet dhe më shumë nga oksitocina dhe ndjenja e afërsisë.”
40 - 50 vjeç
Në të dyzetat rutina ndryshon: fëmijët janë më të rritur, karriera më e stabilizuar, dhe hapësira për spontanitet rritet.
Marrëdhëniet intime mund të ndodhin në mëngjes, gjatë fundjavës apo edhe në një pushim të gjatë dreke.
Menopauza mund të sjellë libido më të ulët, tharje vagjinale dhe arritje më të ngadaltë të orgazmës. Por kjo nuk është gjithmonë pengesë, shpesh është periudha kur gratë e dinë më mirë çfarë u pëlqen dhe janë më të hapura ta ndajnë me partnerin.
50 - 60 vjeç
Edhe pse hormonet bien, intimiteti nuk zhduket. Përkundrazi, bëhet më i thellë, duke u fokusuar te përqafimet, prekjet dhe komunikimi, më shumë sesa te shpeshtësia.
Koha më e mirë shpesh është mëngjesi ose mesdita, kur trupi është më i pushuar dhe energjia më e lartë. Me pak përshtatje, kjo mund të jetë një nga fazat më të bukura të jetës intime.
60+ vjeç
Pas të gjashtëdhjetave, stresi është më i ulët, fëmijët janë të rritur dhe koha është më e lirë. Trupi reagon më ngadalë, por dëshira shpesh është më e thellë dhe më e vetëdijshme.
Seksologia April këshillon: “Pasditja dhe mbrëmja e hershme janë ideale, me më shumë kohë, më shumë relaks dhe gatishmëri për të zbuluar mënyra të reja kënaqësie.”
Përfundim
Nuk ka orar fiks për intimitet, çdo moshë sjell ritmin e vet, dhe më e rëndësishmja është harmonia mes partnerëve. Trupi ndryshon, por dëshira dhe lidhja emocionale mund të bëhen më të pasura me kalimin e viteve. /Telegrafi/
