Aktorja Kaley Cuoco, e njohur më së shumti për rolin e Penny në “The Big Bang Theory”, është fejuar me aktorin Tom Pelphrey pas dy vitesh lidhje.
Lajmin e mirë aktorja e ka ndarë me ndjekësit e saj në Instagram.
“Fundjavë e shkëlqyer”, ka shkruar ajo në storie së bashku me një foto ku pozon me të fejuarin dhe tregon unazën në dorë.
Foto: Screenshot/Instagram
Kujtojmë se çifti është në një lidhje që nga viti 2022 dhe u prezantuan nga menaxheri i tyre i përbashkët Andrea Pett-Joseph.
Në mars të vitit të kaluar ata patën një vajzë dhe aktorja ka dy martesa të dështuara.
Ajo ishte e martuar me tenistin Ryan Sweeting nga viti 2013 deri në vitin 2015.
Dy vjet më vonë, u fejua me Karl Cook dhe u martuan në qershor të 2018, por martesa zgjati vetëm tre vjet. /Telegrafi/
Foto: Screenshot/Instagram
